Убедливи победи забележаа машката и женската репрезентација на Македонија во 7. коло на шаховската Олимпијада во норвешкиот град Тромзо.
Шахистите кои настапија во состав Трајко Недев, Александар Чоловиќ, Филип Панчевски и Никола Митков го победија Алжир со 3:1. Пораз претрпе Недев на првата табла, а останатите тројца победија.
Дамите беа уште поубедливи на мечевите со Тринидад и Тобаго. Победија со 3,5:0,5. Габриела Коскоска ремизира на првата табла, а по цел поен на другите три табли освоија Моника Стојковска, Бојана Бејатовиќ и Драгана Николовска.
По седум одиграни кола машката репрезентација е на 68. место со 8 бодови, а девојките се на 66. позиција со 7 бода.
Во денешното 8. коло на машкиот дел од Олимпијадата Македонија игра со Република Ирска, а на женскиот Австрија е противник на македонските шахистки.