Македонка дел од глобална спортска менторска програма во САД

Македонската параглајдеристката Силвија Митевска е една од шеснаесет девојки од цел свет кои поради своите спортски резултати и залагање за унапредување на жените преку спортски активности, се одбрани да учествуваат во менторската програма поддржана од американскиот Стејт Департмент.

Силвија е претседателка на здружението ТАКТ и ќе учествува во програмата во Вашингтон и Њујорк, каде по завршувањето ќе се стекне со титула нов лидер за глобалната спортска менторска програма 2016.

Заедно со менторката Сусан Кохиг, која е заменик претседателка на Националната хокејска лига, ќе разработат акциски план кој ќе се имплементира во Македонија, а ќе опфаќа зајакнување и унапредување на жените преку спорт.

Силвија Митевска е поранешна параглајдеристка и е втора Македонка одбрана да учествува во престижна менторска програма за спорт во САД.