Женската тениска репрезентација на Македонија денеска беше поразена од Косово во ФЕД Купот со вкупен резултат 1:2.
Магдалена Стоилковска и Лина Ѓорческа ги загубија своите дуели во сингл и тоа се покажа како клучно за конечниот исход.
Стоилковска во првиот натпревар изгуби од Доника Башота со 2:6, 6:3, 5:7, а потоа Ѓорческа доживеа пораз од Арлинда Рушити со 1:6, 6:3, 2:6.
Единствената победа нашите тенисерки ја остварија во двојки, каде Ана Ристевска и Александра Симева славеа против Ѓинај и Укехаџај со 6:4, 6:1.
Македонските тенисерки утре се слободни, додека во четврток играат со Алжир. Во последното коло во петок ќе се соочат со Кипар.