Романскиот фудбалски тренер Кристијан Киву е новиот тренер на Интер, објавија од миланскиот клуб.
Киву играше со голем успех за Интер, од 2007 до 2014 година и освои три шампионски титули, Лигата на шампионите, два италијански купа, два италијански Суперкупа и Светското клупско првенство.
Својата тренерска кариера ја помина во младинските селекции на Интер, од каде што се пресели во Парма, со која го раскина договорот.
Тој ќе го замени Симоне Инзаги на клупата на Интер, кој се пресели во Сауди Ал Хилал.
Прв избор за местото кормилар на „нероазурите“ беше Шпанецот Сеск Фабрегас, кој направи чудо со Комо, но не го пуштија да си оди од клубот.
На крајот, изборот падна на поранешниот играч и легенда на романскиот фудбал – Кристијан Киву, кој претходно ја спаси Парма од испаѓање.