Квалификацискиот натпревар за Светското фудбалско првенство 2014, меѓу селекциите на Македонија и Велс, ќе се игра од 19, а не од 20 часот.
Причината за ваквата одлука Фудбалската федерација на Македонија, е настапот на кошаркарска репрезентација Македонија, која истиот ден (петок, 6 септември) ќе игра против селекцијата на Србија на на Европското првенство во Словенија, и тоа во терминот од 21 часот.
На овој начин ФФМ ќе овозможи, сите вљубеници во спортот во Македонија, да можат да ги проследат и двата натпревари на македонските селекции.
Дуелот на фудбалските репрезентации на Македонија и Велс, на 6 септември, ќе се игра на националната арена „Филип Втори“, а на 10 септември во Скопје ќе гостува селекцијата на Шкотска.
Натпреварот Македонија – Шкотска ќе се игра од 20 часот и 30 минути.