ИХФ ја казни Ракометната федерација на Македонија со парична казна од 10.000 швајцарски франци поради однесувањето на македонските навивачи на вчерашниот натпревар меѓу Македонија и Холандија.
ИХФ соопшти дека ќе бидат затворени трибините над клупите на стручните штабови на двете репрезентации за следните натпревари, а исто така побара да се зголеми обезбедувањето на дуелите.
Доколку се случи идентичен инцидент во следните дуели, тогаш Македонија би можела да остане и без публика на трибините.
Освен Македонија, ИХФ го казни и ХРС (Хрватскиот ракометен сојуз) поради слабата организација на натпреварот. Од светската куќа на ракометот донесоа и одлука за затворање на дел од трибините, тоа се однесува на делот што се наоѓа веднаш зад клупите на двете репрезентации.
Македонија утре против Гвинеа ќе го одигра последниот натпревар од групната фаза на Светското првенство 2025.