Македонската тенисерка Лина Ѓорческа го заврши настапот во поединечна конкуренција на ВТА турнирот во Бол откако попладнево загуби од Ивана Јоровиќ од Србија со 2-1 во сетови. Нашата тенисерка немаше сили за пресврт против поискусната противничка.
Првиот сет Јоровиќ го доби со 6:4 во гемови, а во вториот имаше водство од 5:2, но Ѓорческа направи серија од пет гема по ред и го доби сетот со 7:5. Во решавачкиот сет Ѓорческа поведе со 1:0, но потоа Јоровиќ се врати и со 5:1 во серија го доби сетот со 6:2. Мечот траеше 2 часа и 15 минути.
За пласманот во второто коло Ѓорческа ќе добие 15 поени.
Нашата тенисерка утре во четвртфиналето со Александрина Најденова од Бугарија ќе играат против Јоровиќ и Елица Костова од Бугарија.