Српскиот тенисер Новак Ѓоковиќ веќе подолго време го фали талентираниот Бразилец, Жоао Фонсека, а неговите зборови почнаа да се претвораат во реалност на почетокот на календарската 2025 година.
Фонсека остави голем впечаток во Австралија, каде дури го победи и Андреј Рубљев, а потоа на 18 години го освои својот прв АТП турнир – во Буенос Аирес.
Ѓоковиќ е најдобриот по секој можен параметар, но 18-годишниот тенисер не мисли дека Србинот е најголемиот на сите времиња, туку за него тоа е Роџер Федерер.
„Федерер е најголемиот идол што сум го имал. Тоа не може да се смени. Луѓето можат да кажат дека Ѓоковиќ е најголемиот на сите времиња, но за мене нема дилема, конкуренција”, изјави Фонсека и додаде:
„Ѓоковиќ можеби е најдобар на сите времиња, но најголем е Федерер. Без конкуренција“.