Фудбалерите на Реал Мадрид го шокираа фудбалскиот свет, го откажаа патувањето на своите играчи на доделувањето на „Златната топка“, непосредно пред летот за Париз!
Авионот што го резервираше клубот требаше да полета во 15 часот, но поради информации добиени од француската престолнина, Реал ја сопре експедицијата во која имаше 50 луѓе.
Причината е Винисиус Јуниор, односно одлуката на УЕФА да не му ја додели „Златната топка“ на Бразилецот како најдобар играч во претходната сезона. Веста беше потврдена и од престижниот медиум „Марка“, кој е близок со Реал Мадрид.
Реал има 11 номинации, а покрај Винисиус тука беа Џуд Белингем, Феде Валверде, Тони Крос, Карвахал, Килијан Мбапе и Ридигер.
Карло Анчелоти беше номиниран за најдобар тренер, иако наградата, според информациите, ќе ја добие Де ла Фуенте.
Церемонијата за доделување на Златната топка е закажана за вечерва во Париз (20.45 часот).