Напаѓачот на милански Интер – Мехди Тареми, дојде во својата татковина Иран за да добие престижна награда, но не можеше ни да замисли дека овој потег ќе му го загорчи животот и значително ќе влијае на неговата кариера.
Mehdi Taremi remained in Iran a few extra days compared to the rest of the #Inter internationals to attend an Iranian award ceremony, where the forward was awarded the ‘Toopa Award’, the first edition of the Iranian Golden Ball.
🇮🇷🤍 pic.twitter.com/gaT0qDglii
— Inter Xtra (@Inter_Xtra) June 13, 2025
Тареми го искористи летниот период помеѓу крајот на сезоната и Светското клупско првенство за да го посети својот роден Иран, каде што беше прогласен за најдобар играч во таа земја.
За првпат оваа година, Иранците одлучија да доделат своја Златна топка наречена Тупа, а победник беше Тареми, кој остана неколку дена подолго во Техеран. Тоа се покажа како фатално за напаѓачот, бидејќи Израел започна агресија против таа земја во петокот, па воздушниот сообраќај беше целосно блокиран и 32-годишникот не можеше да го напушти Иран.
Додека останатите играчи на Интер патуваа во САД за Светското клупско првенство, Тареми остана заробен во својата земја и прашањето е дали воопшто ќе игра на Светското клупско првенство.
За да биде уште полошо за 32-годишникот, во петокот вечерта италијанскиот „Скај Спорт“ објави дека Тареми е отпуштен и дека му било кажано дека ќе го напушти Интер ова лето.
Иранецот играше брилијантно за Порто неколку години, а минатото лето пристигна на „Џузепе Меаца“ како слободен агент и беше најавен како големо засилување.
Во својата прва и најверојатно последна сезона во дресот на „нероаѕурите“, тој одигра 43 натпревари, но не го потврди статусот на главен играч, бидејќи постигна само три гола. Исто така, имаше и девет асистенции.