Смртта на шпанскиот фудбалер Хесус де Мигел (30), кој почина по тежок судир со голманот за време на натпреварот меѓу Тенерифе и Андора, ја потресе фудбалската јавност.
Напаѓачот на Тенерифе изгуби свест по силен удар во градите, а и покрај напорите на лекарите, почина откако беше пренесен во болница.
🔵⚪️ | Golpe fortísimo de Owono sobre Jesús de Miguel que hace que salten todas las alarmas. 🇪🇸👀
🙏🏼 Pronta recuperación a Jesús y que todo quede en un susto
🏟️ Tenerife – Andorra https://t.co/NXopIJ7p9H
— Laliga News (@laligaa_neews) November 2, 2026
Трагедијата во Шпанија потсети на некои од најмрачните моменти во историјата на фудбалот. Во текот на изминатите децении, неколку познати фудбалери ги загубија животите откако колабираа на теренот, пред очите на соиграчите, противниците и илјадници гледачи.
Меѓу нив имаше репрезентативци, освојувачи на европски трофеи и млади играчи пред кои стоеја уште многу години живот и професионална кариера. Иако околностите на нивните смртни случаи се различни, заедничко им е тоа што борбата за живот се одвивала за време на натпреварот или веднаш откако биле изнесени од теренот.
Последната трагедија се случи на натпревар од шпанското првенство меѓу Тенерифе и Андора.
Кон крајот на натпреварот, голманот на гостинскиот тим, Хесус Овоно, истрча од својот гол за да интервенира, но притоа дојде до силен судир со напаѓачот на Тенерифе, Хесус де Мигел.
BREAKING: Tenerife star Jesus de Miguel has died aged 30 after colliding with keeper and suffering cardiac arrest
https://t.co/tYxNy2KwHp
— The Sun Football ⚽ (@TheSunFootball) November 3, 2026
По ударот, Де Мигел остана неподвижен да лежи на тревата, а медицинските екипи веднаш втрчаа на теренот.
Натпреварот беше прекинат, додека фудбалерот итно беше пренесен во болница.
И покрај напорите на лекарите, шпанскиот напаѓач почина.
Веста за неговата смрт предизвика бројни реакции и изрази на сочувство низ шпанскиот фудбал.
За разлика од повеќето претходни случаи, во кои фудбалерите колабираа без контакт со противник, смртта на Де Мигел беше предизвикана од директен судир за време на борба за топката.