Американското списание „Forbs“, пред почетокот на US Open објави листа на најплатени светски тенисери, на која убедливо води Швајцарецот Роџер Федерер.
Веднаш по него се Рафаел Надал, Марија Шарапова и Новак Ѓоковиќ.
Федерер заработува околу 55 милиони долари годишно, но наградите од турнирите се само 20% од неговите приходи. Скоро 45 милиони долари тој добива од спонзорските договори со Најк, Жилет, Ролекс.
Надал е втор на листата со заработка од 32 милиони, Шарапова по него со 27 милиони долари.
Србинот Новак Ѓоковиќ е единствениот во Топ 10, кој повеќе заработува од пласманите на турнирите отколку од спонзорските договори – 10.3 милиони наспроти 9.5 милиони долари од реклама.
Во првите десет се и Серена Вилијамс, Каролина Возњацки, Енди Мареј, Викторија Азаренка и Енди Родик.