Првиот тенисер на светот Роџер Федерер изјави дека не е под притисок да го повтори резултатот од минатата година, кога во низа ги освои Базел, Париз и Мастерсот во Лондон.
„Се зависи од тоа колку тешки мечеви ќе имам, каков ќе биде распоредот, кој ќе ми бидат противници и можеби ќе влезам во серија ако се поклопи се. Не би требало да ми биде цел повторно да ги освојам сите три турнири. Првата цел ми е да се погрижам добро да изиграм во Базел, а за понатаму ќе видиме“.
„Морам да одам чекор по чекор, тоа е мојата рутина и единствен начин да се изборам со три луди недели кои се пред мене“, изјави Федерер.
Во второто коло на турнирот во Базел, Роџер игра против Томаж Белучи.