Репрезентацијата на Естонија ќе биде противник на Македонија во финалето на Европската одбојкарска лига.
Ова е исходот по вториот меч од полуфиналето, одигран на завршниот „Фајнал-фор“ турнир во бугарскиот град Варна, во кој Естонија ја победи домашната селекција на Бугарија со 3-2 во сетови (25:18, 15:25, 25:19, 14:25 и 17:15).
Претходно, во првиот меч од полуфиналето Македонија беше подобра од Австрија со 3:2 во сетови.
Така во недела од 17 часот, во финалето ќе играат Македонија и Естонија.
Како предигра на финалето, ќе се игра и мечот за 3.место во кој ќе се сретнат Австрија и Бугарија.