Бразилскиот репрезентативец Дани Алвеш, фудбалерот на шпанската Барселона, сонува за финале на Светското првенство во Бразил, во кое тој со својата селекција ќе игра против лутиот ривал репрезентацијата на Аргентина.
– Бразил и Аргентина во финалето… тоа е мојот сон. За ова разговарав со Меси, а тоа не би било само сон за мене, туку и за нив’, изјави Алвеш, за францускиот „Л’Екип“.
Тој додал оти неговиот сон не е Бразил да стигне и да игра во финалето, туку и да ја освои титулата шампион на светот.
Светското првенство во Бразил ќе се одржи од 12 јуни до 13 јули, а домашната селекција ќе настапи во групата А, каде за противници ќе ги има репрезентациите на Хрватска, Мексико и Камерун.