Македонската ракометна репрезентација против Црна Гора го игра дуелот од вторто коло во групниот сегмент на Европското првенство. На овој дуел во тимот ќе биде и голманот Никола Митревски кој по негативните резултати за Ковид-19 доби дозвола да се приклучи во Дебрецин.
Нашиот национален состав со пораз од Словенија влезе во натпреварувањето. Денеска против Црногорците е неопходен успех за да се задржат шансите за евентуален палсман во следната фаза од натпреварувањето во која прдолжуваат двете најдобир селекции од прелиминарната конкуренција.
Македонската репрезентација, во третата рунда, в понеделник ќе се сретне со Данска.
– Во ниту еден случај не сакам да ја потценам Црна Гора. Напротив, имаат добри индивидуалци, дури можеби и подобри од нашата репрезентација, но мислам дека сме поквалитетни како колектив. Во секој случај, не треба да се оптоваруваме со противниците, туку да се концентрираме на себеси. Од нас зависи дали ќе остваруваме добри резултати во иднина или не. Противниците ќе бидат само посилни, бидејќи сите во Европа работат квалитетно. Фокус и концентрација е првото нешто што го барам од играчите, рече селекторот Кирил Лазаров во пресрет на дуелот.
Во нашата група вечерва играат и Данска и Словенија.