Хрватската полиција уапси четворица навивачи во текот на викендот во Сплит, обвинети за користење пиротехнички средства и предизвикување прекин во Сент Етиен на натпреварот од Европското првенство меѓу Хрватска и Чешка.
Како што пренесува „ХИНА“ петтиот осомничен денес треба да биде приведен на сослушување.
Овие лица се идентификувани благодарение на видео снимки и тие се задржани во притвор.
Натпреварот Хрватска –Чешка заврши 2:2, а беше накратко прекинат во финишот, кога еден од редарите беше удрен со запален факел.
Поради инцидентот УЕФА на Хрватскиот фудбалски сојуз му изрече парична казна во висина од 100.000 евра.