Претседателот на УЕФА, Александар Чеферин, зборуваше за финансискиот фер-плеј во клубовите во Европа.
49-годишниот прв човек на европскиот фудбал за германската телевизија „АРД“ ја нагласи потребата од создавање рамнотежата помеѓу богатите и клубовите и тие со скромни финансиски можности.
– Финансискиот фер-плеј почна да дава стабилност во фудбалот. Времињата постојано се менуваат и ние мораме да се прилагодуваме на нив, да станеме посовремени и мораме да направиме нешто за рамнотежата во спортот, рече Чеферин.
Откога е воведен финансискиот фер-плеј неколку големи европски екипи беа казнети со забрана за ангажирање нови играчи на определен временски рок.