Македонската фудбалска репрезентација дојде до многу важна победа над Казахстан во Астана од 0:1, во квалификацискиот меч за пласман на СП 2026.
Александар Трајковски со прекрасен гол со волеј во 33 минута од мечот ги донесе трите бода.
Во вториот дел од мечот Казахстанците сериозно се закануваа кон голот на Столе Димитриевски, во три наврати ја погодија рамката од гол, но среќата беше на страна на „рисовите“.
Сега Македонија е на првото место во групата со осум бодови, а вечерва ќе се чека исходот од мечот Белгија и Велс. Велшаните моментно се втори со 7 бодови и меч помалку од Македонија.
Интересен е податокот дека Македонија има десет меча во серија без пораз.
Поточно, седум победи и три ремија.
Серијата трае од 10.06.2024. Тогаш последен пат загубивме меч, од Чешка со 2-1.