Чилеанскиот репрезентативен голман Клаудио Браво беше јунак во синоќешниот триумф над Португалија со три одбранети удари во пенал-серијата.
Чиле победи со 3:0 по изведувањето на ударите од 11 метри и се пласира во финалето на Купот на Конфедерации, а Браво рече дека ги имал анализирано противничките фудбалери.
– Знаев што треба да направам. Ги имав добро проучено Португалците. Ова се должи на сериозна работа. Сега сум многу среќен што сме во финалето. Целиот тим играше добро. Бевме одлично подготвени и физички и ментално, изјави Браво.
Чиле во финалето ќе игра со победникот од вечерашниот дуел меѓу Германија и Мексико.