Лионел Меси има договор со Интер Мајами до крајот на 2025 година, а многумина веќе зборуваат за иднината на Аргентинецот. За тоа проговори и првиот човек на овој клуб, Дејвид Бекам.
Многумина веруваа дека еден од најдобрите фудбалери на сите времиња ќе остане во САД, но легендарниот Англичанец откри дека тој мисли поинаку.
Имено, победникот на Светското првенство во 2022 година со Аргентина сака по завршувањето на кариерата да живее во Европа, во своето омилено место – Барселона.
❗️David Beckham: “I would like Messi to live in Miami after he retires, but Leo has told me that he only thinks about living near the Camp Nou. There is no player who loves Barcelona as much as he does. You can see the Barça logo on his leg and even on his water bottle.” pic.twitter.com/P9bqEAns1w
— Barça Universal (@BarcaUniversal) January 26, 2025
– Би сакал Меси да живее во Мајами откако ќе се пензионира, но Лео ми кажа дека размислува да живее во близина на Камп Ноу. Нема играч кој ја сака Барселона како него. Можете да го видите логото на Барса на неговата нога, па дури и на шишето со вода, рече Бекам.
Меси е член на Интер Мајами од јули 2023 година, а во клубот пристигна од Пари Сен Жермен.