Бразилскиот вицепрвак Атлетико Минеиро синоќа на свој терен на пенали го победи парагвајскиот тим Олимпија Асунсион и го освои шампионскиот трофеј во Купот Либертадорес.
Резултатот по основните 90 минути беше 2:0 за Атлетико, ист резултат со кој Парагвајците славеа на првиот дуел.
Жо во 46.минута и Силва во 87. минута ги постигнаа головите за домашниот тим.
Во двете продолженија од по 15 минути немаше постигнат гол, а на пенали бразилскиот претставник победи со 4:3.
Ова е историски прв трофеј за Атлетико во континенталното натпреварување на Јужна Америка.