Младинскиот репрезентативец на Македонија Стефан Ашковски кој лани потпиша четиригодишен договор со Партизан од Белград нема да биде на летните подготовки со својот тим во Словенија.
Тренерот на „црно-белите“ Вук Рашовиќ одлучи левиот бек Ашковски да го даде на позајмица во екипата на Долни Срем.
Според информациите од Партизан, македонскиот репрезентативец во јануари повторно ќе се врати во Партизан како замена за Владимир Волков кој најверојатно на полусезоната ќе ја смени средината.
Освен Ашковски од првиот тим исклучен е и бразилскиот интернационалец Силва кој игра во средниот ред, но за разлика од Ашковски, неизвесно е во која екипа ќе продолжи Бразилецот.