Бразилскиот фудбалски интернационалец и досегашен член на Пари Сен Жермен, Алекс Родриго Диас е најновото засилување на калчолигашот Милан.
Алекс со Милан ќе потпише договор со времетраење од две години. Според договорот тој ќе заработува годишна плата од 2,7 милиони евра.
На бразилскиот дефанзивец на крајот од сезонава му истече договорот со ПСЖ и како слободен играч доаѓа во Милано да го засили одбранбениот ред на „росо-нерите“.
Првиот оперативецот на Милан, Адријано Галијани упати понуда до уште еден играч на ПСЖ. Се работи за Џереми Менез кој побара неколку денови за размислување пред да ја донесе конечната одлука за тоа каде ќе ја продолжи кариерата.