Претседателот на Федерацијата Босна и Херцеговина, Живко Будимир соопшти дека ја напушта Хрватската партија на правото (ХСП) и дека ќе формира нова партија.
Како причина за неговото напуштање на партијата го наведе „нефункционирањето на органите на ХСП“.
– Партија на правдата и довербата е „работното“ име на мојата нова партија, истакна Будимир.
Коментирајќи го заминувањето на Будимир од ХСП, лидерот на оваа партија Звонко Јуришиќ изјави дека тој и претходно најавувал истапување и основање на нова партија. Сспоред него, таквиот потег на Будимир не би претставувал голема загуба за ХСП, туку „дури и добивка“.
– Добро е од партијата да заминат оние кои мислат дека со господинот Будимир ќе профитираат на каков било начин, било политички, идеолошки или материјално, изјави Јуришиќ, додавајќи дека е вистинско време „во ХСП да се знае кој е кој, и кој игра некакви двојни игри“.