Албанското Министерство за одбрана првпат номинираше една жена за добивање генералски чин, пренесува БТА.
Од кабинетот на албанскиот министер за одбрана, Мими Кодели, денеска информираа дека жена полковник е предложена за генерал.
Името на жената не се споменува бидејќи процедурата за нејзино номинирање уште не е целосно завршена.
Кодели, која во 2013 година седна во министерската фотелја како прва жена министер за одбрана на Албанија, предложи и три жени за добивање чин полковник. Таа го зголеми бројот на жени во униформи до 14 отсто од вкупно околу 8.500 лица воен персонал во албанската армија.