Првиот попис на населението во Босна и Херцеговина по војната во земјата (1992-1995), заврши успешно, оценија денеска боснаски претставници и директорот на Евростат, Питер Еверерс.
Директорот на босанската Агенција за статистика (БХАС) Зденко Милиновиќ изјави дека првичните резултати од пописот треба да бидат објавени во рок од 90 дена, а за обработка и објавување на целосните резултати ќе бидат неопходни уште 15 месеци.
Тој наведе дека за пописот, кој траеше од 1 до 15 октомври, биле ангажирани 25.000 луѓе, а за нивната работа имало минимален број на поплаки.
Пописот на населението во БиХ беше следено од 33 набљудувачи на меѓународни агенции, кои ќе бидат ангажирани и за контрола и обработка на податоците се до објавувањето на крајнитре резултати.
– Забележани се некои мали проблеми, но тоа е вобичаено при секој попис – истакна Еверерс, додавајќи оти пописот е направен согласно со меѓународните стандарди.