Куќата на чичкото кој е осомничен за убиство и обид за силување на неговата 11-годишна внука во Грција, вчера пред нејзиниот погреб била опожарена. Објектот во Миртија Пиргош во месноста Илија бил запален неколку минути пред погребот на малата Василики која исчезна во неделата, а нејзиното тело со бројни повреди беше пронајдено во понеделникот на нива.
Осомничениот за убиството признал дека сакал да има односи со девојчето, но кога таа го одбила ѝ се заканилa дека ќе им каже на родителите тој ја избодел со шрафцигер, а потоа го фрлил телото во поле.
Бројни членови на семејството на убиеното девојче и нивни пријатели сакале да го линчуваат осомничениот додека вчера бил донесен во обвинителството да даде исказ. На крајот, обвинителот мораше да оди во притворското одделение за да го сослуша осомничениот.
Пред самиот погреб пак на девојчето група непознати лица фрлиле бакљи кон домот на чичкото, а се верува дека станува збор за чин на одмазда за бруталната смрт на девојчето.
Пожарникарите брзо пристигнале на местото на настанот и го локализирале пожарот. Во куќата во моментот на нападот немало никој, бидејќи членовите на семејството на осомничениот претходно го напуштиле селото, стравувајќи дека може да се случи такво нешто.
Во 2017 година осомничениот за убиството на Василика бил уапсен за силување на 14-годишно дете. Според медиумите, се работи за роднина на таткото на Василика.
Во 2020 година, тој бил осуден на Закинтос, но бил ослободен на условна слобода во очекување на пресудата на апелациониот суд. Бил должен редовно да се јавува во полициска станица. Засега не е познато дали ја испочитувал судската наредба.