Захарова за ситуација на Косово: Се наѕира вистински конфликт од големи размери

Од:

Портпаролката на руското Министерство за надворешни работи Марија Захарова ги коментираше последните настани на Косово.

„Новото влошување што избувна во покраината убедливо покажува дека отстапувањето од сегашната регулаторна рамка за Косово само ги провоцира приштинските екстремисти. Ситуацијата не е далеку од вистински конфликт од големи размери“, рече Захарова како одговор на медиумско прашање за Косово.

Да потсетиме, синоќа се појави вест дека се слушнале истрели на северот на Косово, а денеска српската војска стационирала неколку топови и хаубици во близина на преминот Јариње, односно границата со Косово.

Косовските медиуми на српски и на албански јазик претходно синоќа различно објавија за пукотницата кај Зубин Поток на северот на Косово. Косовскиот онлајн портал наведува дека до пукањето дошло кога „специјалните сили на косовската полиција се обиделе да ги отстранат барикадите“ на еден од локалните патишта во општина Зубин Поток.

Приштински Коха, пак, тврди дека локалните Срби нападнале припадници на меѓународните сили (КФОР), а КФОР подоцна за тој портал го потврди пукањето „во близина на својата патрола“, но не и нападот.

Косовската полиција ги демантираше наводите на медиумите во Белград „за какви било конфликти со полицијата во Зубин Поток“.

Би можело да ве интересира

Захарова: Русија не покани претставници на „непријателските земји“ на парадата за Денот на победата

Марија Захарова го најави остриот одговор на Русија на потезите на официјален Лондон

Захарова: Русија внимателно ги следи сите маневри на НАТО кои се дел од хибридната војна

Захарова: Киев продолжува отворено да објавува терористички напади врз Русија

Захарова: Русија се надева дека глобалниот југ нема да учествува во антируските акции

Захарова: Светот треба да го осуди нападот на Украина врз нуклеарната централа Запорожје