Авионот со претседателот на Србија, Александар Вучиќ слета во Москва, јавува „Русија 24“.
Авионот со кој српскиот претседател отиде во Москва за да присуствува на прославата на Денот на победата, претходно полета од Баку.
Авионот беше во Баку и чекаше одобрение за продолжување на летот за Москва, поради непријателствата меѓу Русија и Украина.
Во претходните неколку дена аеродромите во неколку руски градови беа затворени поради напади на украински беспилотни летала.
Вчера српски „Новости“ први објавија дека литванските и латвиските власти го забранија летот на српски авион за Москва, преку воздушниот простор на овие две земји.
На 9 мај во Москва со Парадата на победата ќе се одбележи 80-годишнината од победата над фашизмот во Втората светска војна, а претседателот Вучиќ претходно најави дека и покрај сите притисоци, ќе оди во Москва да го прослави Денот на победата.