Српскиот претседател Александар Вучиќ денеска соопшти дека официјално му се приклучи на новото „Движење за народот и државата“.
„Ова не е само пристапен документ, ова е ветување и завет за Србија. Важно е да сме заедно во оваа борба, бидејќи народот и Србија секогаш ќе бидат над се и над секој од нас“, рече Вучиќ во видеото што го објави на Инстаграм.
„Движењето за народот и државата“ беше регистрирано на крајот на март годинава, а средбата по повод формирањето на движењето се одржа од 11 до 13 април во Белград.
Утре, петок, во Ниш ќе започне тридневен митинг на кој ќе биде промовирано тоа движење.
