Претседателот на Србија, Александар Вучиќ, изјави дека 1. ноември, кога се навршува една година од падот на настрешницата во Нови Сад, кога студентите во блокадата најавија протест, ќе биде ден како и секој друг, освен што оние луѓе кои веруваат, ќе одат во црква, ќе запалат свеќа и ќе се однесуваат одговорно кон семејствата на жртвите.
„Оние кои не се одговорни ќе имаат разни пагански, некои сатански обичаи за да го одбележат, пред сè мислам на блокадите. Како што можете да видите, тие го прават тоа цело време. Ниеден од нашите обичаи не е измислен 16 минути на улица. Тоа не постои во Србија, не постои во православието. Дојде од Бог знае каде“, изјави Вучиќ.
Тој истакна дека сето ова е измислено заради обоената револуција и додаде дека луѓето не треба да се грижат.
„Можеби на 1 ноември ќе има поголеми собири на друго место, но многу поголеми. Значи, Бог знае што ќе се случи во однос на политиката, но сè ќе помине мирно и по ред, а 1 ноември ќе помине како и секој друг ден“, рече Вучиќ.
