Претседателот на Србија, Александар Вучиќ, вечерва изјави дека е прифатено главното барање на блокадерите и дека вонредни парламентарни избори ќе бидат распишани следната година.
„Го прифативме нивното главно барање, наскоро ќе одиме на избори, следната година. Нема да бидат толку среќни кога ќе ги пребројуваат гласовите. Ќе ги победиме на секое место во Србија“, рече Вучиќ, обраќајќи им се на граѓаните собрани пред Домот на Народното собрание.
Тој истакна дека „силата, љубовта и верата се секогаш посилни од нивната омраза“.
Вучиќ рече дека е горд што немаше жртви за време на протестите на блокадите, наведувајќи како пример дека имаше десетици смртни случаи на протестите и уличните демонстрации на „жолтите елеци“ во Франција.
„Колку и да имам енергија, колку и да имам сила, ќе ми биде чест да бидам заедно со вас во борбата против сите оние кои сакаат да ја уништат нашата земја“, рече Вучиќ, прецизирајќи дека тоа „мора да биде политичка борба“.
Тој потсети дека една година во Србија се водат насилни судири меѓу блокадерите, во кои се демолирани партиските простории на Српската напредна партија, а некои луѓе беа претепани.
„Ќе продолжиме да работиме и ќе продолжиме да градиме. Ни рекоа – плашете се од нас, но ние не се плашевме од нив ниту еден момент, знаевме за кого станува збор. Се плашевме да не одговориме со сета сила, го штитевме нивниот имиџ, ја штитевме Србија. На крајот, ништо не им се случи. Само оние кои ја штитеа Србија беа посериозно повредени, и од ножеви и од пиштоли“, рече Вучиќ.