Претседателот на Србија, Александар Вучиќ денеска ги покани луѓето да дојдат во Белград на собир, на 28 март.
– Формирањето на движењето го одложуваме за шест дена, на 21 март, а цела Србија ја покануваме во Белград на 28 март на најголемиот собир во историјата на Србија. И јас се согласив, колку што разбрав, и Милош прифати и Претседателството (СНС), не знам дали треба да се изјасни Главниот комитет: Ја покануваме цела Србија, буквално цела Србија, работничка, работна, селска, чесна Србија, на која и е доста од сето ова, на најголемиот собир во историјата на Србија на 28 март во Белград – рече Вучиќ.
– Да повторам, додека сум жив нема да има преодна влада. Да живее Србија! – повтори претседателот.
Вучиќ во своето обраќање го коментираше и собирот најавен во Белград на 15 март и рече дека секој што ќе ги оштети државните институции или ќе се обиде да влезе во нив, како што налага законот, ќе биде казнет со затвор од 3 до 15 години.
„Ако тој ден почнат со насилство, тој ден ќе ја завршиме работата, а судијата ќе свири крај“, нагласи претседателот на Србија.