Премиерот на Србија, Милош Вучевиќ, денеска се сретна со четири репрезентативни синдикати за образование и рече дека е постигнат договор за клучните прашања.
„Продолживме разговори со четири репрезентативни синдикати на просветни работници. Постигнавме договор за клучни прашања! Го продолжуваме дијалогот за други прашања од значење за положбата на образованието во општеството и сите вработени во образовниот систем во Србија. Во 2025 г. ќе има историски покачувања на платите во основните и средните училишта, а други големи промени во образовниот систем не смеат да застанат!“, рече тој.