Босанскиот Парламент на денешната седница ја потврди одлуката на Претседателството за учество на единици на Воената полиција на Вооружените сили на БиХ во меѓународни операции во Авганистан.
Во операциите ќе учествуваат 26 припадници на босанските безбедносни сили.
Станува збор за прва борбена операција на меѓународните сили во која ќе учествуваат и војници на БиХ.
Мисијата на босанските војници ќе биде давање борбена поддршка на воената бригада „Старјкерц“, а во рамки на операциите на Воената полиција. Исто така, тие ќе и бидат ментори на авганистанската полиција, распоредени во Кандахар.