Во Словенија вчера биле регистрирани 2.270 нови случаи на Ковид, што е најголем број заразени во претходните речиси 10 месеци, додека осум лица починале во истиот ден. Од вкупниот број на тестирани, 30,2 отсто биле позитивни, според официјалните податоци, јави СТА. Моментно хоспитализирани 440 лица, а на интензивна нега се 123 пациенти.
Бројот на нови случаи се зголеми во просек за 121 во изминатите седум дена, сега на 1.550, а двонеделната инциденца на 100.000 жители сега е 825, додаде Националниот институт за јавно здравје. Институтот проценува дека во моментов во Словенија има 17.436 активни случаи во државата.