Високите температури во Босна и Херцеговина денеска достигнаа 41 степен, при што доведоа до избувнување на неколки пожари, а илјадници лица побараа медицинска помош.
Асфалтот во јужниот град Мостар толку омекнал од високата температура, што по него останувале отпечатоци од стапките на пешаците.
Во Вишеград денеска беше регистриран најтоплиот ден во годината. Во 17 часот беа измерени 41 степен.
Високите температури изминатите два дена предизвикаа четири помали пожари во земјата.
Метеоролозите во БиХ изјавија дека ова е најтоплиот јули во историјата и предупредуваат дека овој месец може да биде уште потопло.