Швајцарската полиција го уапси денеска Насер Ориќ на аеродромот во Берн по потерница од Интерпол.
Уапсен е врз основа на обвинение подигнато против него од Обвинителството во Белград лани, а врз основа на судски списи од Трибуналот во Хаг.
Ориќ беше командант на армијата на БиХ на територијата на Сребреница за време на војната во 90-те години од минатиот век.
Во Хаг тој беше ослободен од обвиненија за злосторства врз Срби во Подриње.
Екстрадицијата ќе биде неизвесна бидејќи ќе зависи од одлуката на швајцарските правосудни органи.