Владата на Црна Гора денес го отфрли како неприфатливо и правно неутрално барање на опозицијата, за поништување на претседателските избори и распишување на ново гласање за шеф на државата.
На седницата, на која што ја водеше премиерот Мило Ѓукановиќ, владата оцени дека на претседателските избори кои што се одржаа на 7-ми април, се спроведени во согласност со законот и меѓународните стандарди.
Барањето за донесување на посебен закон со кој резултатите на претседателските избори ќе се прогласат за неважечки е неприфатлив, бидејќи со тоа ќе се поништи изборната волја на граѓаните, се наведува во соопштението.
Опозицијата на протестот на 20-ти април во Подгорица побара од претседателот на парламентот Ранко Кривокапиќ, премиерот Мило Ѓукановиќ и пратеници од владеачката коалиција да се усвои посебен закон со кој ќе се поништат резултатите на претседателските избори, одржани на 7 април.
Елена Георгиевска