Во Федерацијата БиХ пензионерите најавуваат протести за следната недела поради ниските пензии, а од Заводот за пензиско и инвалидско осигурување соопштуваат дека ќе продадат недвижности за да го пополнат дефицитот од околу 43,5 милиони евра.
Речиси три четвртини од пензионерите во ФБиХ живеат со пензии од околу 175 евра, а нивно зголемување засега воопшто не е предвидено.
Приливот на средства во касата на ПИО на ФБиХ веќе одамна не е доволен и за исплата на достигнатото ниво на пензии, што е главна причина поради која се поминати две и пол години од последното зголемување на пензиите од пет отсто.
Федералната Влада веќе оваа недела го разгледува одобрувањето на продажбата на хотелот „Еро“ и 11 помали објекти, за кои е целосно подготвена документацијата, а консолидацијата е можна до крајот на годинава.