Вијести: „Продажбата“ на црногорски пасоши претставува ризик за ЕУ

Од:

Европската Комисија (ЕК) будно ја прати ситуацијата на З ападен Балкан, вклучувајќи и работи што може да се сфатат како заобиколување на мерките во рамки на надворешната и безбедносната политика на Европската Унија (ЕУ).

Тоа за „Вијести“ го истакна портпаролката на ЕК, Ана Писонеро Хернандез коментирајќи го тоа што црногорската Влада и покрај препораките на ЕУ, продолжува да ја спроведува програмата за економско државјанство.

– ЕК доследно ја советуваше Црна Гора да ја укине шемата со доделување државјанство на инвеститори поради ризиците што ги претставува, како перење пари, затајување данок, финансирање тероризам, корупција и инфилтрација на организиран криминал, појасни Писонеро Хернандез.

Како што таа додаде, како кандидат за членство во ЕУ, Црна Гора треба да се воздржи од какви било мерки, што можат да загрозат постигнување цели на Унијата, вклучувајќи ги привилегиите за доделување државјанство.

Програмата е со план да трае три години и ја смисли и ја спроведе претходната Влада во 2019 година. Демократската партија на социјалисти е сменета на изборите во август 2020 година. Првиот златен пасош е издаден во февруари 2020 година.

Црногорско државјанство, според програмата од 2019 година, добиле вкупно 409 странци. Најмногу од нив се Руси, 241 или речиси две третини, покажаа податоците што неодамна ги објави Центарот за истражувачко новинарство на Црна Гора.

Извор: МИА

Би можело да ве интересира

Уште една жртва од масакрот во Цетиње, почина еден од тешко ранетите

Катерина Ѓуровски

Црна Гора: Спајиќ не присуствува на божиќната литургија поради лошата здравствена состојба

ВИДЕО: 12 минути молк на Цетиње за жртвите од масакрот

(ВИДЕО) Нови снимки: Полицијата обвинета дека лажела за фаќањето на убиецот од Цетиње

Катерина Ѓуровски

Градоначалникот на Цетиње бара меѓународна форензика и оставки на врвот на полицијата

Катерина Ѓуровски

МНР: Солидарни сме со семејствата на жртвите и со народот на Црна Гора во ова тешко време