Претседателот на Србија, Александар Вучиќ изјави дека е „непоколеблив“ во својата проценка дека Србија може и мора да добие само српска влада, доколку тоа е можно, нагласувајќи дека на Србија не и требаат влади наметнати однадвор.
„Ако не, тогаш е време за нови избори. Не ни требаат влади наметнати однадвор и влади автократски без избори и без волја на народот. Јас ќе останам цврст, ќе останам силен за вас, граѓаните на Србија. , затоа што вие ме избравте и никогаш нема да се откажам од успешна и напредна Србија“, порача Вучиќ во објава на Инстаграм.
Тој во видео обраќање им се заблагодари на сите кои вчера и денеска учествуваа во протестите и блокадите во Нови Сад, но и, како што вели, на огромен број граѓани кои не се согласуваат со содржината на тие протести, па мирно и трпеливо чекаат прекин и крај на демонстрациите.
View this post on Instagram
„Тоа е многу важна лекција за сите нас. Важно, бидејќи го зачувавме мирот, ја сочувавме стабилноста и ја зачувавме надежта за иднината. Она што е важно е што поскоро да почнат разговорите со професорите, претставниците на универзитетите, за никој да не избегнува нивна одговорност, дека добро разбираат дека разговорот е лековит и дека до решение може да се дојде само со разговор“, рече Вучиќ.
Тој додаде дека сака да им се заблагодари и на сите обични луѓе низ Србија, кои испраќаат зборови на поддршка.