Студентите во блокади повикаа на генерален штрајк денеска во Србија, а ги поддржа и проширената ректорска управа на Универзитетот во Белград, Адвокатската комора на Војводина и Белград и неколку различни синдикати, здруженија и иницијативи.
Во објавите на социјалните мрежи, студентите во блокадите ги повикуваат граѓаните „да ги запрете луѓето околу вас“, да излезете надвор, да не трошат пари и да не одат на работа.
Препорачаа да земат слободен ден од работа или боледување и да ги поканат колегите да им се придружат. Ги повикаа и да не одат во кафулиња и ресторани, да не пазаруваат во супермаркети, да не посетуваат кина и театри…
„Ова не е само протест, ова е борба за одговорност, правда и иднина…“, изјавија претходно студентите кои го организираа првиот генерален штрајк на 24 јануари.
На генералниот штрајк на повик на студентите се приклучија и медиуми, продавници, ресторани, кафетерии, мали приватни бизниси, институции од културата, книжарници и издавачки куќи.