За време на редовна обука во Босна и Херцеговина дошло до динамично превртување на хеликоптер на полигонот.
„Обуката ја спроведуваа припадниците на бригадата на воздухопловните сили и воздушната одбрана на вооружените сили на БиХ, на полигонот за летање кај Високо, околу 11 часот и 30 минути, кога дошло до динамично превртување на хеликоптери на земја“, соопшти Министерството за одбрана на БиХ.
Според соопштението, се работи за хеликоптер Bell Huey II со четворица членови на екипажот, од кои никој не е повреден.
„Има видливи оштетувања на хеликоптерот“, се додава во соопштението.
Надлежните служби на вооружените сили на БиХ во моментов спроведуваат истрага за причините за превртувањето на леталото.
Повеќе информации ќе бидат познати по завршување на истрагата.