Пожар избувна претпладнево пред српскиот Парламент во Белград, во делот каде што се поставени шатори. Според објавите на социјалните мрежи, на пожарот му претходеле истрели кои се слушнале од еден од шаторите, но засега не е потврдено дали станува збор за огнено оружје.
Полицијата веднаш реагирала и привела едно лице. Како што јавува порталот Мондо, уапсен е 70-годишниот Владан А., под сомнение дека пукал и го ранил 57-годишниот Милан Б. Според истите информации, Владан А. по пукањето го запалил шаторот пред Собранието и потоа фрлил неколку куршуми во огнот.
Za sada po prvim informacijama gori Ćacilend. Čula se pucnjava, moguće je da ima ranjenih…. pic.twitter.com/JEAiU5WeF6
— Srđan Milivojević (@srdjanmil037) October 22, 2025
Милан Б. е ранет во ногата и неговиот живот не е во опасност. Обвинител од Вишото јавно обвинителство во Белград излегол на местото на настанот за да изврши увид.
Пожарникарите интервенираат со три возила и пожарот е ставен под контрола. Засега не е позната причината за избувнувањето на пожарот во шаторите, кои претходно ги поставија студенти што протестираат против блокадите во главниот град.
Собранието на Србија денеска гласа за 48 точки од дневниот ред.