Полициската акција од синоќа на улицата Караѓорѓева во Белград се претвори во вистинска филмска драма кога возачот на белo „волво XC60“ ги игнорираше полициските наредби и забрза до крајни граници. Во меѓувреме, се покажа дека зад сè стои киднапирањето на познатиот пејач Даниел Кајмакоски (43), кој во тој момент е врзан во возилото. Полицијата се обиде да го запре возилото за време на рутинска проверка, но наместо да закочи, возачот одеднаш забрза.
View this post on Instagram
– Во моментот кога му дале знак да застане, возачот се упатил кон Бранков мост. Беше јасно дека се случува нешто сериозно – вели извор за српски „Курир“.
Бркотницата продолжи покрај Палатата на Србија и Белградската арена, а потоа и на автопатот во правец на Шид.
– Во операцијата веднаш се вклучени УКП, САЈ, жандармеријата, сообраќајната полиција, како и специјалните технички служби. Ова беше една од најсложените операции во последно време – вели изворот на „Курир“.
Сторителите по кои се трага го врзаa пејачот и го возеa во неговиот автомобил, барајќи да им даде 20.000 евра. Меѓутоа, кога свртуваат кон Рума, „волвото“ удри во заштитна ограда. Вооружените напаѓачи го искористија тој момент и избегаа во непознат правец.
Полицијата, по наредба на Вишото јавно обвинителство во Белград, сè уште ги бара киднаперите.