Српските студенти ја продолжуваат блокадата на Радио телевизија Србија четврти ден. Тие и утрово се на неколку локации и ја попречуваат работата на јавниот сервис.
„Велигден ќе го поминеме пред РТС“ – порачаа синоќа студентите кои четврти ден по ред ја блокираат зградата на Радио-телевизија Србија (РТС). Порачаа дека борбата за вистината не смее да престане ниту за празниците.
Tu smo i zanimljivo je.
Dodjite tamo gde vam je bliže
Jedna #blokada dve lokacije#takovska #kosutnjak@RTS_Vesti pic.twitter.com/e9ZUHdBsXN— Sloboda Met Dejmon (@milosdjajic) April 18, 2025
Студентите ги поканија граѓаните да им се придружат пред зградата на РТС во недела, на Велигден.
„Донесете празнични украси, креирајте активности за децата, донесете вапцани јајца, понесете радост и љубов“, стои во објавата на социјалните мрежи од студентите кои се во блокада.
Студентите ја почнаа блокадата пред зградата на РТС во понеделникот, тврдејќи дека јавниот сервис не известува објективно за нивните протести. Најавија дека блокадата ќе трае додека не се распише нов конкурс за членови на Советот на Регулаторното тело за електронски медиуми (РЕМ), или додека РТС не се исклучи.
Српскиот радиодифузен сервис ја нарече блокадата нелегална, додавајќи дека на вработените им е оневозможено да влезат на своите работни места. Поради тоа, РТС објави дека го прилагодува програмскиот распоред поради отежнатите работни околности и апелира за прекин на блокадата.