БНР
Инцидентот со ветото над Северна Македонија е куриозитетен од многу гледишта. Ова го изјави за Бугарското национално радио, политикологот и предавач на софискиот универзитет „Св. Климент Охридски“, доц. Проф. Даниел Смилов.
Според него, ова е во спротивност со позициите што досега ги бранеше Бугарија.
Тој потсети дека од 90-тите години Бугарија е земја што најактивно ја поддржуваше Македонија за нејзиното членство во ЕУ „и ова е наш стратешки приоритет“.
Според Смилов, ГЕРБ досега одржуваше проевропска линија и го бранеше приоритетот на Западен Балкан пред Европејците кои не се многу убедени дека регионот треба да стане дел од Европската унија.
Меѓутоа, сега „ние сме подготвени да го прецртаме сето ова, да додадеме масло на уште еден пожар – расположението во самата Европа дека на дел од Балканот нема место во ЕУ“.
Смилов е категоричен дека ова е веќе работа спротивна на бугарскиот долгорочен интерес. Тој се прашува зошто ГЕРБ го прави ова.
Политикологот истакна дека процесот на проширување е важен за Бугарија и „ако го блокираме, го осудуваме нашиот регион на маргиналното постоење на периферијата на Европа“.
Според него, едно од објаснувањата е дека поради неговата ослабена позиција во домашниот политички план, премиерот одлучил „да се предомисли како понационалистички лидер, да се здобие со популарност со влечкање во таков правец“.
Смилов рече дека досега навистина не сме поврзани со Северна Македонија, бидејќи немаме патишта, не гледаме телевизија и не ја искористуваме блискоста, пренесува БНР.
Според него, „чуден е начинот на кој избравме да му помогнеме на нашиот западен сосед на патот кон полноправно членство во ЕУ“.
– Мора да смислиме обид да излеземе од стапицата во која сме влегле, категоричен е тој.
Според Смилов, од политичките изјави во Бугарија не е целосно јасно што би ги задоволило на краток рок да го укинат ветото.