Британскиот министер за финансии Џорџ Озборн денеска во Берлин апелираше до останатите земји од Европската унија да го следат неговиот пример и да ги заострат банкарските прописи.
Озборн, кој денеска учествуваше на средбата на германските бизнисмени и високи функционери од еврозоната во Берлин, на кој меѓу другите присуствуваше и германската канцеларка Ангела Меркел, повика на повторно разгледување на оваа идеја.
Велика Британија, една од земјите кои беа најпогодени од финансиската криза во 2007 и 2008 година и која во моментов има релативно благи прописи на тоа поле, сега работи на усвојување на нов закон, со кој би се одвоило работењето на банките со населението од ризичните активности на полето на инвестициското банкарство.
Европската комисија разгледува сличен предлог даден од гувернерот на Централната банка на Финска, Ерки Ликанен, но досега на таа идеја се противеа двете најголеми стопанства во ЕУ, Германија и Франција.